Акциядорларнинг умумий йиғилиши томонидан қабул қилинган қарорлар ва улар бўйича овоз бериш натижалари 

         Вазирлар Маҳкамасининг 2014 йил 2 июлдаги 176-сон қарори билан тасдиқланган “Акциядорлик жамиятларининг корпоратив веб-сайтларига қўйиладиган талаблар тўғрисида”ги Низомнинг 3-бандига мувофиқ “Акциядорларнинг умумий йиғилишида қабул қилинган қарорлар бўйича овоз бериш якунлари (ушбу қарорлар қабул қилинган санадан бошлаб ўттиз кун мобайнида эълон қилинади) Жамиятнинг корпоратив веб-сайтида мажбурий жойлаштирилиши керак бўлган ахборотга тегишли ҳисобланади”.

         “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Ўзбекистон Республикасининг Қонунининг 60-моддасига мувофиқ “Акциядорларнинг умумий йиғилиши томонидан қабул қилинган қарорлар, шунингдек овоз бериш якунлари Қонунда ҳамда жамият уставида назарда тутилган тартиб ва муддатларда, бироқ бу қарорлар қабул қилинган санадан эътиборан ўттиз кундан кечиктирмай акциядорлар эътиборига етказилади.”

         “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Ўзбекистон Республикасининг Қонунининг 72-моддасига мувофиқ “ Овоз бериш якунлари акциядорларнинг овоз бериш ўтказилган умумий йиғилишида ўқиб эшиттирилади, шунингдек акциядорларнинг умумий йиғилиши ёпилганидан кейин овоз бериш якунлари тўғрисидаги ҳисоботни эълон қилиш орқали акциядорлар эътиборига етказилади.”

           Акциядорларнинг умумий йиғилишида қабул қилинган қарорлар бўйича овоз бериш натижалари қуйидаги ҳолларда ошкор қилинади:

        - “Эмитентнинг олий бошқарув органи томонидан қабул қилинган қарорлар” 06-сон муҳим фактида;

        - саноқ комиссиясининг овоз бериш якунлари тўғрисидаги ҳисоботида.